- Advertisement -
Manchester United është eliminuar nga Carabao Cup, pasi pësoi humbje nga Newcastle United në 1/8 e finales.
“Djajtë e Kuq” pësuan 0:3 nga Newcastle United në stadiumin “Old Trafford”.
Vetëm 28 minuta shifrat ishin të baraspeshuara, pasi Almiron kaloi mysafirët në avantazh nga afërsia.
Tetë minuta më vonë, Hall dërgoi topin në rrjetë për epërsinë e dyfishtë të Newcastle United.
Goditjen e fundit Manchester United ia dha Willock me golion e tretë në minutën e 60-të.
Kjo ishte humbja e dytë për të besuarit e trajnerit Ten Hag në të njëjtin stadium dhe me të njëjtin epilog.
Newcastle United me këtë triumf kalon në çerekfinale të Carabao Cup.
Më parë, “biletën” për atje e siguruan edhe Liverpooli, Chelsea, ndërkaq Arsenali u eliminua nga West Ham.
