Kryetari i Komunës së Prishtinës, Përparim Rama, ka njoftuar se nesër në Prishtinë do të nisë ndërtimi i një shkolle të re.
Bëhet fjalë për shkollën në lagjën Qendresa, apo Prishtina e Re.
Rama ka njoftuar se shkolla, gurthemeli i së cilës do të vihet nesër, pritet të mbulojë një hapërsirë prej 6726 metrash katrorë.
“Ndërtimi i kësaj shkolle, si dhe i dy të tjerave në të ardhmen e afërt, me modalitetin publiko-privat, do ta lehtësojë dukshëm barrën aktuale të mësimdhënësve në klasat e stërmbushura me nxënës, si dhe trafikun e ngarkuar prej lëvizjeve drejt qendrës së qytetit” ka thënë Rama.
Një tjetër premtim i fushatës, ndërtimi i shkollës nëntëvjeçare në lagjen Qëndresa (Prishtina e Re, zona perëndimore) po bëhet realitet.Nesër vendosim gurthemelin për ndërtimin e shkollës me sipërfaqe prej 6.726 m².Ky është projekt i shumëpritur prej banorëve të zonës, me impakt pozitiv zinxhiror, jo vetëm për prindërit, nxënësit dhe arsimtarët, por për të gjithë qytetarët e kryeqytetit. Ndërtimi i kësaj shkolle, si dhe i dy të tjerave në të ardhmen e afërt, me modalitetin publiko-privat, do ta lehtësojë dukshëm barrën aktuale të mësimdhënësve në klasat e stërmbushura me nxënës, si dhe trafikun e ngarkuar prej lëvizjeve drejt qendrës së qytetit.Më pak stres për prindërit, arsimtarët e qytetarët. Më shumë cilësi e punësim.Më shumë mundësi për një të ardhme më të ndritur për fëmijët tanë.#kryeqyteti#prishtinapraktike💙
Posted by Perparim Rama on Wednesday, May 3, 2023
