- Advertisement -
Kuvendi i Kosovës në javën e kaluar ka miratuar Ligjin për pagën minimale me 60 vota për, një abstenim dhe asnjë votë kundër. Ligj që parasheh rritjen e pagës minimale në 264 euro bruto ose 250 euro neto.
Ndërsa, opozita nuk e ka pritur aspak mirë ketë vendim.
Aleanca për Ardhmërinë e Kosovës e ka konfirmuar se nesër do të dërgojnë në Gjykatën Kushtetuese ligjin për pagën minimale.
Shefi i Grupit Parlamentar të AAK-së, Besnik Tahiri do të dorëzojë kërkesën lidhur me vlerësimin e e kushtetutshmërisë së Ligjit nr. 08/L-142 për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, thuhet në njoftimin e AAK-së.
