Prokuroria Themelore në Ferizaj, ka thirrur një konferencë për media, për vrasjen e rreshterit të policisë së Kosovës, Muhamed Lika.
Gjatë konferencës Kryeprokurori i Prokurorisë Themelore në Ferizaj, Burim Çerkini, para mediave tha, se në vitin 2021 lokali i të ndjerit është thyer.
“Në vitin 2021 i është djegur lokali i rreshterit në fjalë por deri më tani ne nuk kemi mundur që të krijojmë ndoshta për shkak të kohës së gjatë nga viti 2021 deri në vitin 2025 ku kemi katër vite, ne nuk kemi mundur të paktën deri më tani të ndërlidhim ndonjë motiv apo ndonjë arsye apo ndonjë shkak që do të ishte djegia e lokalit me pjesën e vrasjes sepse ne të dya rastet i njëjti është i dëmtuar por nuk ka ndonjë lidhshmëri deri më tani që ka të bëjë me lidhjen e këtyre dy rasteve”, tha kryeprokurori.
Më tutje Kryeprokurori tha se Prokuroria do t’i hetojë të gjitha pistat e mundshme por që deri më tani nuk ka ndonjë lidhje që shkaku i djegies së lokalit dhe shkaku i vrasjes së të ndjerit të kenë ndonjë ndërlidhje me rastin.
