Moderatorja Einxhel Shkira më në fund duket se është “çliruar” dhe po shijon një romancë me DJ Dagz. Mirëpo, distancimi i tyre nga të tjerët ka patur një kosto: nominimin.
Mbrëmjen e djeshme, ata të dy dhe Iliri u votuan nga banorët për të kaluar në nominim.
Kjo ka bërë që Einxhel ta “fajësojë” Arbrin, duke u shprehur: “A e sheh se sa u mora me ty, direkt jam nxjerrë në nominim”.about:blank
Gjithashtu, ajo ka shprehur haptazi edhe pakënaqësitë me zgjedhjen e Donaldit. Si i preferuari i publikut, ai kishte fuqinë e vetos, ai mund të ndryshonte nominimin dhe të këmbente një të nominuar me një banor tjetër. I pyetur nga Arbana në dhomën e rrëfimit ai vendosi të mos e bëjë këtë zgjedhje, pasi sipas Donaldit ky nominim ishte vendim i vetë banorëve që ndodhen brenda shtëpisë së “Big Brother”.
“Nëse doje të më nxirrje mua kishe hequr Dagz-in e kishe vendosur dikë tjetër”, i tha moderatorja aktorit.
Ndërkohë përgjigja e Donaldit ishte: “Mendoj se ju të dy jeni më të fortë bashkë”.
“Unë nuk mendoj kështu, po… .Mendoj që Ilirin ne të dy nuk e nxjerrim”, tha Einxhel.
Megjithatë na mbetet të presim spektaklin e radhës, për të mësuar se cili prej tyre do të lërë shtëpinë.
