Pagesat në Fondin Pensional të Kursimeve, nuk janë gjithmonë të njëjta.
Lëvizje në to vërehen pothuajse çdo muaj.
Nga të dhënat e Trustit, rezulton se të paktën për dy muaj të këtij viti në krahasim me vitin e kaluar, ka pasur rritje të numrit të kontribuesve.
“Numri i llogarive në Trust duhet krahasuar gjithnjë me të njëjtat periudha të vitit paraprak që krahasimi të jetë i duhur. Numri i llogarive aktive në muajin prill të vitit 2022 ishte 348, 162, ndërkaq në prill të vitit 2023 është 364, 648. Numri i llogarive aktive në muajin maj të vitit 2022 ishte 364,399, ndërkaq në muajin maj të vitit 2023 është 377,644”, tha Jeton Demi, Menaxher i Marrëdhënieve me Publik në Trust.
Megjithatë, tre mujori i parë i këtij viti me tre mujorin e fundit të vitit të kaluar, sipas të dhënave të Trustit, ka pësuar rënie.
E kjo nuk po shihet si shenjë e mirë nga njohësi i ekonomisë, Bashkim Mustafa.
Nga kontributet në Trust të këtij viti, afro 2 milionë janë regjistruar si investime jashtë Kosovës, derisa rreth 1 milionë investim në Kosovë.
