Aktorja Angelina Jolie është përfolur për të paktën një vit se është në një lidhje dashurie me reperin Akala. Ajo është shfaqur me të në disa vende, si Venecia apo Nju Jork.
Por në festën e Krishtlindjes në hotelin “Rosewood London” këtë javë, Akala, 40 vjeç, hodhi poshtë thashethemet për një romance të mundshme me aktoren, 49 vjeç.
Ai u shfaq krah Chanelle Newman duke e prezantuar atë para miqve të tjerë si ‘të dashurën’ e tij.
Pavarësisht spekulimeve prej muajsh se aktorja dhe reperi janë në një lidhje dashurie, një burim i ka thënë People se marrëdhënia mes tyre është thjesht miqësore.
Madje, të tre punojnë së bashku dhe e dashura e reperit e shoqëron atë në në çdo event, sipas burimit. Thuhet gjithashtu se Chanelle është mikeshë me aktoren.
