Kryeminsitri Kurti gjatë konferencës së sotme foli në lidhje me sulmin terrorist në kanalin e Ibër-Lepencit.

Ai tha se në veriun e Kosovës jemi të hendikepuar pasi që ushtria jonë nuk mund të shkoj atje, sipas zotimit të ish-kryeministrit Thaçi.

“Kanali Ibër-Lepenc, është një kanal prej mbi 50km dhe natyrisht që është tejet e vështirë që ai të kontrollohet e të jetë në mbikëqyrje 24/7 në tërë gjatësinë e tij. Pra nuk bëhet fjalë për 50 metra, por për më shumë se 50km. Në veriun e Kosovës ne jemi të hendikepuar meqenëse ushtria jonë që nga zotimi i ish-kryeministrit Thaçi në vitin 2013 nuk mund të shkojë në veri të Ibrit dhe në këtë mënyrë atje nuk është situata sikurse në pjesët tjera të vendit tonë”, tha Kurti në konferencë për media”, tha Kurti.

Ai, tutje shtoi se po e respekton letrën e pararendësit të tij, ndonëse nuk e ka mirëpritur.

“Ne po e respektojmë letrën e pararendësit tim, ndonëse unë as s’e kam mirëpritur e as s’më pëlqen, por e respektojmë, Në veri kemi KFOR-in dhe Policinë e Kosovës. A do të ishte më mirë, më sigurt të ishte ushtria e Kosovës? Po, por ne respektojmë atë zotim të pararendësit”, është shprehur ai.