Si çdo vit, Princi William dhe Kate Middleton kanë realizuar kartolinën për Krishtlindje. Duka dhe Dukesha e Cambridge e kanë postuar atë në profilet e tyre në rrjetet sociale.

Ndryshe nga portretet e viteve të kaluara, ajo nuk është me ngjyra. Çifti i familjes mbretërore zgjodhi imazhin bardh e zi që mori komente të shumta dhe të ndryshme nga përdoruesit.

Princi William dhe Kate Middleton kanë postuar një foto mbresëlënëse familjare në rrjetet sociale. Kjo është në fakt kartolina e tyre vjetore e Krishtlindjeve. Megjithatë, ndryshe nga portretet e viteve të kaluara, ajo nuk është me ngjyra. Çifti zgjodhi imazhin bardh e zi që mori komente të ndryshme nga përdoruesit.

Fotoja bardh e zi tregon familjen prej 5 anëtarëve me këmisha të bardha, duke pozuar rreth një karrige prej pelushi.

Në qendër të saj, Princesha Charlotte, tetë vjeç, e veshur me xhinse dhe këpucë, është fotografuar e përkulur përpara. Ndërsa Princi Louis, 5 vjeç, qëndron pranë saj, duke buzëqeshur. Nga pas, duke e mbajtur për supe, është babai i tij, Princi William.

Pranë tij është Kate, me këmishë të bardhë dhe xhinse, njësoj si Charlotte, dhe pranë saj, duke e përqafuar nga beli, i dyti në radhë për fronin, Princi George.

Pas kamerës qëndron fotografi Josh Shinner, me bashkëpunime me revistat dhe gazetat më të rëndësishme si Vogue, Esquire, New York Times, Wall Street Journal, duke fotografuar personalitete si Florence Pugh, Andrew Scott, Vanessa Kirby.