Tifozët kuqezi janë në pritje të një sfide të zjarrtë këtë të premte, më 7 qershor, ku Shqipëria do të përballet me Serbinë në kuadër të eliminatoreve të Kupës së Botës 2026.
Ndeshja do të luhet në stadiumin “Air Albania”, me fillim në orën 20:45, dhe është e vlefshme për Grupin K.
Përballja pritet të zhvillohet në një atmosferë elektrizuese, me stadiumin që pritet të jetë i tejmbushur me tifozë. Interesi për këtë sfidë është i jashtëzakonshëm, për shkak të rëndësisë së saj sportive dhe emocioneve që ngjall në publik.
Në prag të ndeshjes, Federata Shqiptare e Futbollit (FSHF) ka bërë thirrje për respektimin e rregullave të sigurisë, duke kujtuar tifozët për procedurat e hyrjes në stadium dhe listën e sendeve të ndaluara.
FSHF apelon për një mbështetje të zjarrtë, por korrekte, në mënyrë që ndeshja të kalojë pa incidente dhe të jetë një festë e vërtetë sportive.
