Presidenti Ademi ka shprehur ngushēllime për ndarjen nga jeta të ish-gjyqtarit të shquar dhe bashkëpunëtorit shumëvjeçar të FFK-së, Feriz Parllaku.
Postimi i plotë:
Me pikëllim të madh mora lajmin për ndarjen nga jeta të ish-gjyqtarit të shquar dhe bashkëpunëtorit shumëvjeçar të FFK-së, Feriz Parllaku.
Ferizi i përkiste gjeneratës së punëtorëve të palodhshëm të periudhës së rezistencës. Ai ishte gjyqtar i guximshëm dhe i veçantë, pasi përveç ndarjes së drejtësisë në futboll, me të njëjtin zell kontribuoi edhe në hendboll në vitet më të rënda por edhe më krenare, atëherë kur sporti ishte formë e rezistencës sonë kundër pushtuesit serb.
Ai nuk u ndalë asnjëherë, pavarësisht kërcënimeve dhe rrezikut të përditshëm. Profesionalizmi dhe trimëria e tij në periudhën e okupimit janë dëshmi e karakterit të fortë dhe dashurisë së tij për sportin.
Me vdekjen e Feriz Parllakut, Kosova humbi një nga gjyqtarët më të mirë në historinë e saj, por puna, sakrifica dhe përkushtimi i tij ndaj futbollit do të mbeten përgjithmonë frymëzim për brezat e ardhshëm.
Ngushëllimet më të sinqerta familjes Parllaku dhe gjithë komunitetit sportiv.
Lavdi jetës dhe veprës së tij!