Moska nuk ka ndërruar qëndrim ndaj Kosovës, ka deklaruar Zëvendës Shefi i Misionit rus në OSBE, Maksim Bujakeviq, gjatë një seance të Këshillit të Pëherhshëm të OSBE-së ku edhe u shpalos një raport i kësaj organizate. Bujakeviq është shprehur se “Prishtina nuk dëshiron normalizim të marrëdhënieve me Beogradin dhe as nuk përmbush obligimet e ndërmarra më herët”.
“Qëndrimi i Moskës në këtë çështje ka mbetur i pandryshuar – arritja e një marrëveshje të qëndrueshme, e pajtueshme për të dyja palët ndërkombëtarisht e ligjshme bazuar në Rezolutën 12/44 të Këshillit të Sigurimit të Kombeve të Bashkuara”, ka thënë ai.
Ndërkaq Shefi i Misionit të OSBE-së në Kosovës, Michael Davenport, duke shpalosur raportin e OSBE-së tha se është krenar me ç’është arritur.
“Kam raportuar për punën e Misionit në tre fusha kryesore – sigurinë publike, komunitetin dhe të drejtat e njeriut, dhe demokratizimin. Jemi veçanërisht krenarë që kemi ndihmuar në krijimin e një konsensusi mbi draft reformën e ligjit zgjedhor bazuar në rekomandimet e disa misioneve ndërkombëtare”, tha Davenport.
