Pesë persona janë ndaluar nga Policia e Kosovës në Leposaviq, pasi që dyshohet se kishin kaluar ilegalisht kufirin Kosovë Serbi.
Rasti i parë ka ndodhur në fshatin Bistricë, ku njësitë policore kanë ndaluar një burrë e një grua.
“Bistricë, Leposaviq 30.09.2023 – 14:20. Njësitet policore kanë ndaluar dy të dyshuar-a (një mashkull dhe një femër) kosovar-e, nën dyshimin se të njëjtit kanë kryer veprën e cekur, duke kaluar kundërligjshëm nga territori i Serbisë në territorin e Republikës së Kosovës. Në konsultim me prokurorin, të dyshuarit pas intervistimit janë liruar në procedurë të rregullt”, thuhet në raportin e policisë.
Ndërkohë, rasti i dytë ka ndodhur në fshatin Koshuticë, ku janë ndaluar dy burra të dyshuar dhe një grua.
“Koshuticë, Leposaviq 30.09.2023 – 15:20. Njësitet policore kanë ndaluar tre të dyshuar-a (dy meshkuj dhe një femër) kosovar -e, me veturën me të cilën ishin duke qarkulluar, nën dyshimin se të njëjtit ka kryer veprën e cekur, duke kaluar kundërligjshëm nga territori i Serbisë në territorin e Republikës së Kosovës. Në konsultim me prokurorin, të dyshuarit pas intervistimit janë liruar në procedurë të rregullt”, thuhet në raportin 24-orësh
