Opinionisti në Tiranë, Mentor Nazarko përmes një lidhje direkte në “Edicionin Special” në Klan Kosova ka thënë që Kosova duhet t’u përgjigjet të huajve që procesi i targave të shkoj pa tensione.
Ai gjithashtu foli edhe për planin planin franko-gjerman, për të cilin tha se Kosova duhet t’a bëjë studimin e tij në mënyrë të unifikuar, përcjell Klankosova.tv
“Kosova ka prioritet t’i përgjigjet Bashkësisë Perëndimore, Shteteve të Bashkuara të Amerikës dhe Bashkimit Evropian të cilët i kërkojnë që të adresojë në një mënyrë më të sigurt problemin e targave, duke mos krijuar premisa që situata në veri të saj të ndizet dhe duke ushqyer kësi soji mundësinë për një konflikt Serbi-Kosovë, ku përfshihet NATO, ku përfshihen pse jo edhe aktorë të tjerë”.
“Kosova ka detyrimin që të studiojë në mënyrë të unifikuar, pra pozitë-opozitë planin franko-gjerman, për të cilin tashmë po krijohet qartësi”, është shprehur Nazarko.
