Verona ishte afër arritjes së një fitoreje të madhe në Maradona, ndërsa Napoli u desh të lodhej fort për të shmangur humbjen.
Java e 19-të e Serie A në mes këtyre skuadrave përfundoi 2-2, me Napolin e Antonio Contes që ndalet në shtëpi, pasi Hellas Verona e Paolo Zanettit e mbylli pjesën e parë me dy gola avantazh falë një goditjeje të shkëlqyer me thembër nga Martin Frese dhe një penalltie nga Gift Orban.
Megjithatë, Napoli rriti ritmin në pjesën e dytë. Së pari duke u kthyer në lojë, pas një goditje me kokë nga Scott McTominay dhe më pas duke barazuar rezultatin me anë të Giovanni Di Lorenzos.
Azzurri patën edhe dy gola të anuluar nga Rasmus Hojlund.
Napoli përkohësisht arrin Milanin me 38 pikë, por nuk arrin të kalojë Rossonerët dhe Interin, ndërsa Verona ngjitet në 13 pikë, por mbetet në zonën e rënies nga kategoria.
