“Na mungojnë disa lojtarë”, Vedat Muriqi për ndeshjen e kthimit: Do japim më të mirën!

Kombëtarja e Kosovës do ta zhvillojë ndeshjen e kthimit ndaj Islandës në kuadër të play-off-it të UEFA Nations League.

Para ndeshjes të së dielës (23 mars), Vedat Muriqi ka thënë se futen në këtë ndeshje me besimin për të fituar, por që kanë mungesa, shkruan Indeksonline

E kemi përgatitur ndeshjen dhe nga ajo çfarë kemi bërë nga ndeshja e parë, shpresojmë të bëjmë më mirë”, deklaroi fillimisht Muriqi.

“Disa nga lojtarët më të rëndësishëm na mungojnë, por kemi shpirtin e skuadrës”.

“Do ta kemi mungesën e Aro Muric, Donat Rrudhanit, por kushdo që do t’i zëvendësojë besoj se do të kryej detyrën”, ka shtuar sulmuesi i Kosovës më tej.