Familjari i rreshterit të vrarë mbrëmë në Kaçanik, më saktësisht djali i axhës së Muhamed Likës, ka folur lidhur me rastin që ka tronditur që nga mbrëmë tërë Kosovës.
Ai tha se për lajmin kanë marr vësh në mesnatë, duke shtuar se ende nuk kanë ndonjë informacion lidhur me motivin e ngjarjes.
Por, i njëjti gjithashtu ka shtuar se nuk kanë asnjë dyshim, pasi Lika sipas tij ka qenë një njeri I mrekullueshëm në të gjitha aspektet.
“Informacion momentalisht nuk kemi kurrfare. Na ka trondit se mbrëmë vonë, pas 12:00 kemi dëgjuar për këtë rast dhe as që e kemi pritë. Nuk ka pas asnjë dyshim te ky që mundet me ndodh kjo, se ka qenë I afërm me të gjithë
“Gjatë luftës ka qenë ushtar i mrekullueshëm, në Polici u kanë I mrekullueshëm, ka qenë edhe në Njesi Speciale në Mitrovicë me muaj të tërë, këtu ka qenë shembull. Nuk kam fjalë, nuk di ka të them pse erdhi deri te kjo”
Familajri I tij po ashtu shtoi se Lika ka qenë I martuar, teksa në banesën në Kaçanik ka jetuar me bashkëshorën.
“Duke u bazuar në këtë rast sigurisht që dokush nuk është I sigurt për shkak se nuk e dinë kah vjen. Ka qenë I martuar, fëmijë nuk ka pasur. Ka qenë me gruan duke bashkëjetuar me gruan në banesën në Kaçanik. Nuk e di çka me thënë më shumë, veç e di që na ka pikëlluar shumë si rast, tepër I rëndë”, tha djali i axhës së Likës për Nacionale.
