Ish-kryeministri i Kosovës, Isa Mustafa, ka thënë se në kohën kur është nënshkruar Asociacioni i komunave Serbe, i është premtuar nga ish-Përfaqësuesja e Lartë e BE-së, Federica Mogherini, se ai nuk do të kompetenca ekzekutive.
Mustafa kishte nënshkruar marrëveshjen më 2013, në kohën kur dialogun e ndërmjetësonte Bashkimi Evropian me Mogherinin. Mustafa thotë se mori garanci që nuk do të ketë pushtet të tretë në Kosovë.
“Ka qenë që Asociacioni nuk mund të jetë pushtet i tretë në Kosovë. Nuk mund të ketë kompetenca ekzekutive. Pra nuk mund të ketë kompetenca të autoritetit qëndror. Unë kam marrë zotimet e zonjës Mogherini se sipas opinionit të BE-së, Asociacioni nuk do të ketë kompetenca ekzekutive. Tash a do të jetë Asociacioni një-etnik, është punë e interpretimit”, ka thënë ai në RTK.
Ai ka thënë se puna e Asociacioneve një-etnike është interpretim.
“Komunat me shumicë serbe nuk janë një-etnike. Aty ka boshnjak, shqiptar e minoritete tjera. Vet Kosova nuk është njëetnike”, shtoi ai.
