Ish-kryetari i Lidhjes Demokratike të Kosovës, Isa Mustafa ka thënë se LDK-ja do të dal fituese nga zgjedhjet e 9 shkurtit.
Mustafa ka thënë se LDK-ja e meriton fitoren e zgjedhjeve, sidomos pas, siç tha ai, masakrës që iu bë partisë në vitin 2021.
“Mendoj se pas masakrës që iu bë LDK-së në vitin 2021 (një lloj holokausti për zhbërje politike) nga shumë akter të brendshëm, por edhe ndërkombëtar, ajo falë atyre që i qëndruan besnik po rikëmbet, maskat e mashtrimeve dhe e profiterëve po bien, po merr përkrahje të gjerë të qytetarëve dhe do të delë fituese, sepse e meriton”, ka deklaruar Mustafa.
Ish-kryeministri Mustafa ka folur edhe në lidhje me përkrahjen që akademik Rexhep Qosja ia dha VV-së.
“Akademik Qosja është shkrimtar dhe intelektual i njohur. Në politikë nuk i eci hiç”, ka thënë Mustafa. /Reporteri/
