- Advertisement -
Deputetja e PDK-së, Ariana Musliu Shoshi ka thënë se protesta e veteranëve të UÇK-së është legjitime dhe e drejtë.
Përmes një postimi në Facebook, ka thënë se PDK do t’i përkrahë kërkesat e tyre, derisa ka shtuar se qeveria duhet ta kuptojë se veteranët nuk janë barrë në shoqëri.
Postimi i plotë:
Protesta e veteranëve të UÇK-së është legjitime dhe e drejtë. Veteranët kanë të drejtë që të përdorin çdo mjet demokratik, qytetar e institucional për të kërkuar atë që u takon. Partia Demokratike e Kosovës i ka përkrahur dhe do t’i përkrahë kërkesat e tyre të drejta.
Qeveria duhet ta kuptojë sa më parë që veteranët nuk janë barrë për këtë shoqëri, por patriotë që meritojnë respektin e plotë të secilit.
