Drejtori i Institutit Octopus, Agim Musliu ka komentuar zhvillimet e fundit në veri të vendit, konkretisht bllokadat e vendosura nga serbët në pikëkalimet kufitare mes Serbisë dhe Kosovës.
Musliu ka thënë se këto ishin te organizuara nga presidenti serb Aleksandar Vuçiq.
““Protestuesit” e Vuçiqit dështuan me bllokada rrugësh, edhe pse kishin kompetenca e të drejta të policisë. Paramendoni që këta “protestues” ndalonin dhe identifikonin shoferet, e pastaj vendosnin t’i lejojnë ose jo të kalojnë”, ka shkruar Musliu në Facebook.
Ai theksoi se “protesta” u ndal për shkak të numrit të vogël të pjesëmarrësve serbë.
“ Ata e ndaluan “protesten” per shkak se ne mes te tyre nuk kishte numer te mjaftueshem serbesh nga Kosova, pervec disa proksive nga Beogradi. Ky organizim ishte nje deshtim i qarte, pavaresisht se u perkrah nga Vucic, Vulin e Radoicic. Madje u perkrah edhe nga Moska”, shkroi ai ndër të tjera.
