Edhe gazetari Imer Mushkolaj i ka reaguar drejtorit të Televizionit Publik Rilind Gërvallës, i cili me gjuhë të papranueshme ka provuar t’i fyej përsëri gazetarët, madje duke përmendur edhe “kanunin”.
Sipas Mushkolajt, nuk ka nevojë për moralizëm “nga drejtuesi i mediumit që transmeton dezinformata, duke sulmuar media të tjera dhe duke i vënë në rrezik gazetarët.”.
Mushkolaj, siç bëri edhe gazetarja Xharra, ia ka shpjeguar ABC-në e gazetarisë Gërvallës; se gazetarët raportojnë për problemet e shkeljen e ligjit në secilin institucion.
E plotë:
Sipas drejtorit të televizionit publik, është detyrë morale e çdo gazetari që t’i mbështesë AKI’në, Policinë, RTK’në.
Detyrë e gazetarëve është të raportojnë për këto institucione, t’i ekspozojnë keqpërdorimet që ndodhin brenda tyre, si dhe sjelljet e veprimet e punonjësve të tyre. Kurse detyrë e këtyre institucioneve është që ta respektojnë ligjin dhe të mos e keqpërdorin atë duke u vënë në shërbim të partive politike.
Nuk ka nevojë pë moralizime nga drejtuesi i mediumit që transmeton dezinformata, duke sulmuar media të tjera dhe duke i vënë në rrezik gazetarët.
