Murati: Brenda një viti janë mbyllur 2 mijë biznese, por janë hapur 12 mijë

Ministri i Financave, Hekuran Murati, ka pranuar argumentin e opozitës se brenda një viti janë mbyllur 2 mijë biznese.

Në konferencën për media me kryeministrin Albin Kurti, ku po flitet për punët e qeverisë në këto tri vite, ai ka thënë se opozita nuk po tregon se brenda një viti janë hapur 12 mijë.

“Zakonisht kur po flitet për ekonominë, opozita ka dëshirë me e prezantu se sa biznese janë mbyllur. Thotë se janë mbyllur 2000 biznese brenda një viti, por nuk tregon se 12 mijë janë hapur brenda një vitit. Në vazhdimësi është ky trend, ka biznese që mbyllen, por shumë më i lart është numri i biznese që hapen”, ka thënë Murati.