Tre anëtarë të familjes Gashi nga Peja, vdiqën si pasojë e një aksidenti.

Ngjarja tragjike ndodhi të dielën mbrëma, në fshatin Çubrel të Skenderajt.

Lidhur me rastin, ka reaguar edhe i pari i Pejës, Gazmend Muhaxheri.

Ai iu shprehu ngushëllime familjes së viktimave.

Muhaxheri tha se kjo është një humbje e madhe për këtë qytet.

“Peja dhe gjithë qytetarët e saj janë pranë jush në këto momente të rënda”, u shpreh ai.

Në këtë aksident ishin të përfshirë dy vetura, njëra prej tyre e policisë.

Përveç viktimave, në këtë rast janë edhe pesë të lënduar, në mesin e tyre katër zyrtarë policorë.