Muharremi: Ngjashmëritë mes Kosovës dhe Gjermanisë në tkurrjen e pushtetit dhe rritjen e opozitës

Njohësi i integrimeve evropiane, Shenoll Muharremi, ka bërë një analizë krahasuese mes situatës politike në Kosovë dhe Gjermani pas zgjedhjeve, duke theksuar se të dyja vendet po përjetojnë një tkurrje të pushtetit dhe një rritje të opozitës.

Sipas Muharremit, në Kosovë, qeveria ka humbur -9.44% të përkrahjes krahasuar me zgjedhjet e vitit 2021, ndërsa partitë opozitare janë rritur me +10.13%. Ndërkohë, në Gjermani, rënia e partive në pushtet ka qenë më e theksuar, duke arritur -18.2%, ndërsa partitë e djathta opozitare janë rritur me +17.9%.

Këto të dhëna tregojnë një prirje të përgjithshme politike, ku qeveritë në të dyja vendet po humbin mbështetje, ndërsa opozita po fiton terren, veçanërisht forcat e djathta.