Zëvendësministri i Punëve të Jashtme të Kosovës, Kreshnik Ahmeti tha se nuk ka kushtëzim të anëtarësimit të Kosovës në Këshillin e Evropës me themelimin e Asociacionit të Komunave serbe.
Ahmeti tha se këto janë dy procese të ndara.
“Nuk ka kushtëzim ta anëtarësimit në KiE me procese te tjera qofshin ato të dialogut me Republikës së Kosovës dhe Serbisë në Bruksel dhe kjo gjë është bërë e qartë. Pra duhet ta kemi parasysh që këtu janë dy procese të ndara që i takojnë dy organizatave te pavarura ndaj njëra tjetrës siç është KE një organizate me e vjetra në Evropë dhe me e madhja. Pra nëse do të kushtëzohej anëtarësimi kjo do të nënkuptonte që Këshilli i Evropës si një organizatë për të drejtat e njeriut, demokraci dhe sundim te ligjit t’i subordinohej një organizate tjetër e të mos i respektonte dokumentet e veta siç janë statut dhe rregullat e procedurës.”, tha Ahmeti për RTV21.
