Reperi i njohur, Mozzik ka reaguar pas raportimeve për arrestimin dhe borxhin ndaj ATK-së.
Ai është shprehur se ato janë të pavërteta, siç u shpreh ai, vetëm rrena dhe shpifje.
Mozzik njoftoi se sapo ka dhënë deklaratë, në prezencë të avokatit tim Arianit Koci, lidhur me çështjen e orës së dorës Richard Mille.
“Sapo dhashë deklaratë, në prezencë të avokatit tim Arianit Koci, lidhur me çështjen e mbrëmjes së kaluar për orën e dorës Richard Mille. Mediat që kanë raportuar për një arrestim që nuk ka ndodhur, nuk kanë vepruar drejt. Po ashtu, raportimet për një kinse borxh ndaj ATK janë të pavërteta vetëm rrena dhe shpifje”.
“Sulme të tilla i përballojë me qetësi, njësoj si gripin dhe nuk kanë asnjë peshë më shumë. Ju uroj suksese të gjithëve dhe ishalla flini të qetë sonte. Ju dua edhe juve që po shkruani keq”, ka shkruar tutje Mozzik./Klankosova.tv
