Ende ka pikëpyetje të mëdha rreth të ardhmes së Special One, pasi kontrata e tij në Stadio Olimpico skadon në fund të sezonit aktual dhe ai duket se as nuk po diskuton një rinovim.
Tashmë ka pasur oferta nga Saudi Pro League gjatë verës dhe ata ka të ngjarë të provojnë përsëri në janar për trajnerin portugez.
“Do t’ju them të vërtetën, mendoj se një ditë do të shkoj në Arabinë Saudite. Megjithatë, kur them ‘një ditë’ nuk e kam parasysh nesër apo pasnesër”, tha Mourinho për TG2.
Ai rrallëherë shpenzon më shumë se dy ose tre sezone në një klub të vetëm përpara se të vazhdojë drejt eksperiencës së re dhe ky është sezoni i tij i tretë radhazi me Romën.
Një tjetër rol i mundshëm që iu ofrua në muajt e fundit ishte mundësia për t’u bërë trajner i kombëtares së Brazilit, megjithëse duket se janë të dëshpëruar për të marrë në vend të tij italianin Ancelotti.
Është raportuar se nëse Ancelotti do të largohej, atëherë Real Madridi mund të shikojë drejt Mourinhos për një periudhë të dytë.
“A mund të shkoj te Real Madrid? Kur keni një super trajner, pse mendoni për dikë tjetër? Duke e njohur Don Florentino Perezin, dhe unë e njoh shumë mirë, ai është një njeri super inteligjent. Nëse lexoni gazetat, ai ka disa ide shumë të qarta. Si një Madridist, një njeri që përkrahë ‘Mbretërit’ në mua dhe si tifoz i Ancelottit, shpresoj që sezoni të shkojë në mënyrë fantastike dhe që vitin e ardhshëm Carlo të jetë ende atje, sepse ai është trajneri perfekt për Real Madridin”.
Mourinho u pyet se çfarë do të bënte në vend të Ancelottit nëse nga Brazili do të vinte një telefonatë?
“Mendoj se vetëm një i çmendur do të largohej nga Real Madridi kur ai është ende i kërkuar. Dhe ai i çmendur isha unë, i vetmi që pas tre vjetësh me një President që ende më donte, dhe gjithashtu Jose Sanchez, vendosa të largohesha. Jam i sigurt se në shenjën e parë nga Florentino, Carlo do të mbetet, sepse ai është perfekt për Real Madridin dhe Real Madridi është perfekt për të.”
Kjo është përvoja e dytë e Ancelottit në Bernabeu, duke u rikthyer në vitin 2021 pas një ecurie të suksesshme nga 2013 në 2015.
Sa i përket Mourinhos, ai shkoi te Real Madrid në vitin 2010 pasi fitoi tripletën në Inter, më pas u largua në 2013 për t’u rikthyer te Chelsea.
