Bejtush Gashi, ish ministër i Punëve të Brendshme, ka folur për mos ngritjen e një aktakuze deri tani nga institucionet e drejtësisë në Kosovë për rastin e sulmit në kanalin e Ibër-Lepencit në Varagë një vit më parë.
Në emisionin “Info Magazine” në Klan Kosova, ai ka theksuar se çështja në fjalë është komplekse dhe se deri tani nuk ka më shumë detaje nga prokuroria, por dy personave që janë duke u marrë në pyetje, sipas tij, pista është e zgjeruar, transmeton Klankosova.tv.
“Mbështetur në kompleksitetin ky akt që ka pasë fatkeqësisht procesi i hetimeve zgjat për faktin se ky nuk ka qenë një akt i thjeshtë ka qenë një akt kundër infrastrukturës kritike që në aspektin zingjiror ka efekt në disa fusha”.
“Ky kompleksitet vjen edhe si pasojë i raporteve që tani kemi me institucionet ndërkombëtare. Vet fakti që ka ardh FBI për të mbështetur institucionet e sigurisë në Kosovë tregon se interesimi i Shteteve të Bashkuara të Amerikës, por jo vetëm për të hetuar këtë rast është jashtëzakonisht i madh. Deri tani prokuroria nuk ka dalë me informacione të cilat do të mundësonin që të hetohen pistat për faktin se jo vetëm dy të akuzuarit që janë duke u marrë në pyetje për këtë rast, pista është e zgjeruar. Por për të adresuar dhe targetuar saktësisht fajin e urdhërdhënësit kërkohet një procedurë”, ka thënë Gashi
