7 vjet pas përpilimit të raportit, “Efikasiteti i Menaxhimit të Lëndëve Civile në Gjykatat Themelore” Zyra Kombëtare e Auditimit, po kërkon të vlerësojë nëse rekomandimet e dhënë kanë gjetur zbatim.
Pas refuzimit të Këshillit Gjyqësor të Kosovës, për një gjë të tille, Vlora Spanca, auditore e përgjithshme thotë se qëllimi i tyre s’ka qenë ndërhyrja në sistemin e gjyqësorit.
“Të vlerësojme proceset administrative që kanë të bëjën me menaxhimin e lëndëve civile kjo është një praktike që e kanë kryer edhe institucionet supreme të auditimit të vendeve të tjera, nuk është se ne e kemi marr këtë iniciative të parën, me qëllim të qartësimit fillimisht kam njoftuar Kuvendit dhe komisionet parlamentare ne i kemi njoftuar, për ndihme ne i kemi dërguar një shkresë tek INTOSAI, e cila është organizata ndërkombëtare për institucionet supreme të auditimit”, ka deklaruar Vlora Spanca – Auditore e përgjithshme.
Megjithatë opinioni i organizatës INTOSAI, e cila i dha të drejtë Zyrës Kombëtare të Auditimit, nuk po mjafton, meqë të njëjtit do të vijnë në Kosovë për një vizitë pikërisht për këtë cështje.
“Dëshiroj të konfirmoj se IDI është në dijeni të sfidave të raportuara nga Zyra Kombëtare e Auditimit të Kosovës dhe ne tashmë i jemi përgjigjur Auditorit të Përgjithshëm të Kosovës lidhur me kërkesën e saj për një opinion preliminar. Për më tepër, sipas protokolleve të Mekanizmit tonë të Avokimit të Shpejtë të Pavarësisë së SAI-t (SIRAM), ne kemi rënë dakord të angazhohemi më tej me palët përkatëse të interesit për të diskutuar këto sfida dhe për të mbrojtur parimet e pavarësisë për Institucionet Supreme të Auditimit, siç përshkruhet në standardet ndërkombëtare. Aktualisht po diskutojmë me ZKA-në se si ta çojmë përpara këtë proces përmes një vizite në vend. Planet konkrete, duke përfshirë datën e vizitës sonë, do të ndahen sapo të jenë të disponueshme”, thuhet nga Iniciativa për Zhvillim e INTOSAI-t (IDI).
Nga një auditim të tillë për efikasitetin e gjykatave në trajtimin e lëndëve civile, nuk do të tërhiqen as nga ZKA, të cilët paralajmërojnë veprimet që do ndërmarrin.
“Hapi i rradhës pas kësaj është që ne të dërgojmë një draft raport të auditimit me kufizime në fushëveprim dhe ta dërgojëm tek këshilli gjyqësor i Kosovës, pastaj të shohim dhe duke e dërguar edhe shkresën që e kemi pranuar nga INTOSAI, nëse KGJK e sheh të nevojshme të bashkëbisedojë atëherë, unë shpreh gadishmërinë që nëse lejohet qasja të vazhdojmë për më shumë, për këtë cështje është hera e parë që Auditorit të përgjithshëm nuk i lejohet qasja në informata dhe kufizime”, ka theksuar Spanca.
Muaj më parë, Këshilli Gjyqësor i refuzoi ZKA-së kërkesën që të kryej një auditim përcjellës të performancës “Efikasiteti i menaxhimit të lëndëve civile në gjykatat themelore”, për të parë se deri ku ka arritur zbatimi i rekomandimeve që ishin dhënë në vitin 2017.
