Mori hakun e të atit, i mituri vret 65-vjeçarin në Lezhë

Lezha është tronditur mesditën e sotme pasi një 65-vjeçar është vrarë me armë zjarri. Krimi ka ndodhur në fshatin Manati, dhe viktima është shtetasi Lekë Lekëgjonaj, rreth 65 vjeç.

Vrasja ka ndodhur për motive gjakmarrjeje. Sipas të dhënave të fundit mësohet se 17-vjeçari Florian Pervathi, ka qëlluar sot për vdekje vëllain e vrasësit të babait të tij.

Vëllai i viktimës, rreth 10 vite më parë kishte qëlluar për vdekje babain e autorit të krimit.

Pas krimit të rëndë, 17-vjeçari është dorëzuar në policinë e Lezhës, duke rrëfyer edhe ngjarjen.