Mesfushori kroat do të qëndrojë në Real Madrid edhe për një sezon tjetër, duke refuzuar t’i bashkohet ish-shokëve të skuadrës Cristiano Ronaldo dhe Karim Benzema në Arabinë Saudite, sipas gazetarit Gianluca Di Marzio.
Modriq kishte një ofertë nga Real Madridi për të vazhduar edhe një sezon, dhe këtë ka vendosur fituesi i Topit të Artë 2018.
Ai kishte frikë nga e ardhmja e tij në Real Madrid, por një takim me presidentin e klubit Florentino Perez e qetësoi situatën.
Ai donte të vazhdonte të luante me Los Blancos edhe pse ishte 37 vjeç.
Me entuziazëm, ambicie dhe dëshirë për të vazhduar luftën për Real Madridin, Modriq do të vazhdojë edhe një sezon.
Në finalen e Ligës së Kombeve të dielën, ai do të përballet me Spanjën, vendin në të cilin ai është vendosur si një nga mesfushorët më të mëdhenj të botës.
Pas kësaj, ai do të shkojë në pushime dhe më 20 korrik, ai do të raportojë përsëri në stërvitjet parasezonale nën Carlo Ancelotti.
