Miratohet paga e 13-të për punonjësit që paguhen nga buxheti i shtetit

Qeveria e Kosovës ka miratuar pagën e 13-të për punonjësit që paguhen nga buxheti i shtetit.

Miratimi është bërë sot në mbledhje, ku të gjithë ishin pro, asnjë votë nuk ishte kundër dhe asnjë abstenim.

Ministri i Financave, Hekruan Murati, ka bërë të ditur se paga e 13-të i takon punëtorëve zyrtarë publikë që kanë punuar 12 muaj të plotë.

Ndërkohë, bëri të ditur se edhe personat që nuk kanë punuar plotësisht 12 muaj, do t’iu paguhet paga e 13-të në mënyrë të pjesshme.

Kjo pagesë është paraparë në buxhetin e miratuar më 20 shkurt dhe të dekretuar nga presidentja Vjosa Osmani.