Miratohet marrëveshja për Planin e Rritjes, Kosova do të përfitojë 882 milionë euro!

Kuvendi i Republikës së Kosovës ka miratuar planin e rritjes në bashkëpunim me BE-në.

Më 104 vota për, asnjë kundër dhe 5 abstenime, Kuvendi e miratoi njërën prej disa marrëveshjeve ndërkombëtare.

Pasi u shqyrtua projektligji nr. 10/L-002 për ratifikimin e Marrëveshjes ndërmjet Republikës së Kosovës dhe Bashkimit Evropian mbi aranzhimet për zbatimin e përkrahjes së Unionit për Kosovën në kuadër të instrumentit për reforma dhe rritje, deputetët shprehen vullnetin e tyre nëpërmjet votës.