Pak ditë para se të filloj viti i ri shkollor, ministrja e Arsimit, Shkencës dhe Teknologjisë Arbërie Nagavci ka informuar në lidhje me furnizimin me tekste shkollore.
Ajo ka njoftuar se edhe këtë vit tekstet shkollore do të ofrohen përmes formës së subvencionimit.
“Nxënësit nga klasa e parë deri të pestën do të subvencionohen me 80 euro ndërsa nxënësit nga klasa e gjashtë deri te e nënta do të subvencionohen me 110 euro”, ka njoftuar Nagavci në një konferencë për media.
Mbajtëm mbledhjen me drejtorit komunale të Arsimit ku me drejtoret diskutuam për përgatitjet e fillimit të vitit të ri shkollorë. Temë shumë me interes është furnizimi me tekste dhe mjete mësimore. Edhe sivjet i kemi kushtuar tejet kujdes edhe sivjet tekste dhe mjete mësimore do të ofrohen si vitin e kaluara duke subvencionuar prindërit, të cilët mund të aplikojnë qysh nesër. Ky proces është transparent, shmang mundësin e çdo keq planifikimi që ka ndodhur në të kaluare. Aplikimi do të filloj nesër në platformën E-Kosovë. Sipas kërkesave nxënësit nga klasa e 1-5 do të subvencionohen me nga 80 euro, nga klasa e 6-9 do të subvencionohen me 110 euro”, u shpreh Nagavci.
