Ministria e Tregtisë, Industrisë dhe Ndërmarrësië, dikaster që drejtohet nga Rozeta Hajdari, e cila u përfshi këtë vit në skandalin me rezerva shtetërore, ku u paguan paratë por një pjesë e mallit nuk erdhi, është lëvduar me disa rezultate të arritura në këtë vit.
Në MINT-e kanë listuar si të arritur kryesore faktin që Kosova është përfituese e programit të Bashkimit Evropian “Tregu i Përbashkët” 2021-2027, me vlerë 4.2 miliardë euro
“Negociimi për Marrëveshjen e Tregtisë së Lirë me shtetet e EFTA’së po avancon si asnjëherë më parë”, ka shkruar MINT-i në faqen e saj në Facebook
Po ashtu MINT-i ka thënë se është e arritur fakti që për herë të parë në Kosovë u regjistruan Treguesit Gjeografik si emërtime të mbrojtura të origjinës.
“Numri i inspektimeve preku shifrat rekord me mbi 3079 inspektime të realizuara”, thuhet në një komunikatë
