Ministria e Hajdarit gjobitet me 3 mijë euro për moslejim të qasjes në dokumente publike, Mehmetaj: Vec tinzisht ju operoni, hajna

Ministria e Tregtisë, Industrisë dhe Ndërmarrësisë, e udhëhequr nga ministrja Rozeta Hajdari, është gjobitur me 3,000 euro nga Agjencia për Informim dhe Privatësi, ka bërë të ditur gazetari Lirim Mehmetaj.

Sipas vendimit të lëshuar më 18 mars 2025, gjoba është shqiptuar për shkak të moszbatimit të vendimit të Agjencisë për lejimin e qasjes në dokumente publike.

Në këtë kontekst, Mehmetaj pyeti se si bëhet që kjo t’i ndodh ‘qeverisë më transparente’.

Ai ka rikujtuar edhe raste të mëparshme, duke përmendur gjobitjen e Ministrisë së Punëve të Jashtme, që nuk kishte pranuar të bënte publike shpenzimet për karburant të burrit të presidentes Vjosa Osmani.