Ministria e Drejtësisë (MD) ka kujtuar javën që po lëmë pas ku u përkujtuan qindra martirë të rënë në masakrat e kryera në pranverën e vitit 1999 nga forcat serbe.
“Në Goden të Gjakovës, në Fortesë, në Celinë, në Krushë të Madhe dhe në Krushë të Vogël, në Suharekë, në Dardani të Pejës, në Izbicë të Skënderajit, në Podujevë, gjithandej trevave të Kosovës, zjarri i kriminelëve serb po përvlonte popullësinë civile të pafajshme, foshnje e pleq, fëmijë, vajza e djem të rinj, gra e burra, pa dallim, të gjthë me të vetmin qëllim, shfarosjen e popullit shqiptarë”, thuhet në postimin e MD-së.
Më tej thuhet se do të vazhdojmë t’i kujtojmë dhe nderojmë përherë sepse sipas tyre, këtë e kemi detyrë të përjetshme, për hirë të historisë dhe për hirë të së ardhmes.
“Lavdi e përjetshme të gjithë martirëve të Kosovës!”, shkruhet mes të tjerash në postim.
