Gjatë një konference për shtyp në Varshavë me Sekretaren e Jashtme Liz Truss Kuleba tha se “Ukraina e fitoi betejën për Kievin, por lufta vazhdon.
Ne po përgatitemi për ofensivën e re në shkallë të gjerë nga Rusia në Ukrainën lindore. Ata do të përpiqen të kapin më shumë territore në rajonet e Donetsk dhe Luhansk.
Ata do të përpiqen të nguliten dhe të zhvendosen në rajonin e Khersonit, do të përpiqen të kapin Mariupolin e gjakosur.”
Ai tha se mizoritë në Bucha, janë vetëm maja e ajsbergut të të gjitha krimeve që janë kryer nga ushtria ruse në Ukrainë deri më tani.
“Dhe mund t’ju them se pa ekzagjerim dhe me dhimbje të madhe se situata në Mariupol është shumë më e keqe në krahasim me atë që kemi parë në Bucha dhe qytete të tjera, dhe qyteza dhe fshatra afër Kievit. Tmerret e Bucha, Mariupol dhe vende të tjera kërkojnë sanksione serioze të G7 dhe BE-së”, tha Kuleba.
“Unë vlerësoj gjithçka që është bërë deri më tani, por Liz (Sekretarja e Jashtme Liz Truss) ka të drejtë.
Gjatë konferencës për shtyp, Truss bëri thirrje që Rusia të pezullohet nga Këshilli i OKB-së për të Drejtat e Njeriut dhe tha se nuk duhet të “bisedohet” për heqjen e sanksioneve ndaj Rusisë ndërsa trupat vazhdojnë të ndodhen në Ukrainë./abcnews.al/
