Ministri i Bujqësisë, Faton Peci, këtë të diel ka qëndruar pranë fermerëve, blegtorët dhe bujqit e komunës së tij, Mitrovicës.

Ai bashkë me deputetn Arjeta Fejza kanë vizituar fermerët e fshatit Kçiq, me të cilët biseduan dhe shikuan nga afër veprimtaritë e tyre bujqësore.

Postimi i plotë:

☀️E diela në Kçiq mes bujqve të vyer!

🙋‍♀️🙋‍♂️Bashkë me deputeten Arjeta Fejza, sot vizituam fermerët e fshatit Kçiq, me të cilët bashkëbiseduam dhe pamë nga afër veprimtaritë e tyre bujqësore.

👨‍🌾Baca Gani Hasani, një burrë faqebardhë, ma konfirmoi edhe njëherë se sa të kënaqur janë fermerët me punën dhe angazhimin e Ministrisë në shërbim të fermerëve. Ai mbarështon rreth 35 krerë lopë si dhe kultivon 15 hektarë misër e 5 hektarë grurë.

👨‍🌾Edhe Arben Pllana, është blegtor i cili mbarështon 20 krerë lopë për mish ndërsa mbjell e kultivon 7 hektar patate e 5 hektarë misër. Arbeni është një ndër bujqit e vyer që ka fshati Kçiq i Komunës së Mitrovicës.

👨‍🌾Me fermerin Besnik Ibishin bashkëbiseduam rreth rritjes së përkrahjes. Ai kishte mbjellë 5 hektar grurë ndërsa kultivon rregullisht 15 hektarë misër. Besniku, përpos lopëve e buallicave, mbarështon bagëtitë e imta; 55 krerë dhi dhe 20 krerë dhenë.

🤝Nga kjo vizitë takuam edhe Fatlum Pllana, Ymer Rushiti, Tahir Pllana, Fitim Pllana, Rexhep Pllana, Mexhiti Ibishi, Halil Berisha, të tjerë bujq e fermerë të vyer të kësaj zone që punojnë me vullnet e faqe të bardhë.

https://m.facebook.com/story.php?story_fbid=683703597097037&id=100063722079362&mibextid=Nif5oz