Ministri i Administrimit të Pushtetit Lokal, Elbert Krasniqi, është pritur sot në Departamentin Amerikan të Shtetit.
Atje u prit nga Këshilltari i lartë, Paul Pfeiffer.
Së bashku diskutuan për qeverisjen lokale, zhvillimin ekonomik lokal, si dhe zgjedhjet në veri.
“Gjatë kësaj ditë takova edhe znj. Janine Garcia, këshilltare e lartë në Byron për Demokraci dhe të Drejta të Njeriut në Departamentin e Shtetit Amerikan” njoftoi mes të tjerash ministri Krasniqi.
Ky është njoftimi i plotë i tij:
Kisha kënaqësi të pritem në takim nga Këshilltari i lartë në Departamentin e Shtetit Amerikan, z. Paul Pfeiffer.
Me këshilltarin z. Pfeiffer diskutuam për qeverisjen lokale, zhvillimin ekonomik lokal, rezultatet dhe sfidat në transformimin dhe digjitalizimin lokal.
Në veçanti diskutuam për përfundimin e suksesshëm të zgjedhjeve lokale në pjesën veriore të cilat u mbajtën konform Kushtetutës dhe ligjeve të Kosovës si dhe për procesin e konstituimit të organeve të reja komunale.
Poashtu i falenderova për mbështetjen e ofruar në rrugën drejt Open Government Partnership (OGP) si dhe për planet e përbashkëta për implementimin e Planit Kombëtar të Veprimit për OGP.
Gjatë kësaj ditë takova edhe znj. Janine Garcia, këshilltare e lartë në Byron për Demokraci dhe të Drejta të Njeriut në Departamentin e Shtetit Amerikan.
