Milun Milenkoviq – Llune sillet në gjykatë në Prishtinë

Njëri nga udhëheqësit e formacionit kriminal “Mbrojtja Civile”, Milun Milenkoviq- Llune, i cili është arrestuar dje nga Policia e Kosovës, është sjell në Gjykatën Themelore të Prishtinës.

Në gjykatë ai është sjell me duar të lidhur dhe nën përcjellje të policisë.

Në këtë seancë pritet të caktohet masa e paraburgimit ndaj tij, raporton “Betimi për Drejtësi”.

Më herët, zëdhënësi i Prokurorisë Speciale, Ekrem Lutfiu, ka treguar se prokuroria ka bërë kërkesë për caktimin e masës së paraburgimit për serbin, i cili dyshohet për disa vepra penale.