Miley Cyrus reagon për lidhjen e babait: Jam e lumtur që ai dhe Elizabeth Hurley kanë gjetur dashurinë

14:55 | 15/09/2025

19

- Advertisement -

Miley Cyrus ka folur hapur për romancën e re të babait të saj, Billy Ray Cyrus, me aktoren britanike Elizabeth Hurley, duke treguar se është e emocionuar dhe e lumtur që të dy prindërit e saj kanë gjetur dashurinë pas ndarjes.

Ylli i muzikës country, 64 vjeç, dhe Elizabeth, 60 vjeçe, bënë daljen e tyre të parë publike në tapetin e kuq në Çmimet Kombëtare të Televizionit këtë javë, pesë muaj pasi konfirmuan lidhjen.

Billy Ray u nda nga Tish Cyrus në vitin 2022 pas gati tri dekadash martesë, ndërsa Tish u martua më pas me aktorin Dominic Purcell, shkruan DailyMail.

Për këtë, Miley tha për The Mirror: “Kur je më i ri, i sheh prindërit vetëm si nënë dhe baba, jo si individë me ndjenja e histori të tyre. Më e rëndësishmja për mua është që ata janë të lumtur – dhe është e qartë që tani të dy janë”.

Në eventin në Londër, Elizabeth shkëlqeu me një fustan transparent ngjyrë argjendi nga Zhiago, ndërsa Billy zgjodhi një stil të zi elegant.

Aktorja ishte e shoqëruar edhe nga djali i saj, Damian, duke e bërë momentin edhe më të veçantë.

Ajo ka zbuluar se Billy e ka nisur ta mësojë të luajë kitarë, edhe pse me humor pranoi se “deri tani jam e tmerrshme, por po përpiqem të përmirësohem”.

Hurley, që mbushi 60 vjeç në qershor, tha se këtë vit ka filluar të vendosë më shumë balancë mes jetës personale dhe punës, duke kaluar kohë cilësore me familjen dhe miqtë.

Ndërkohë, fansat e Miley-t e kanë pritur me interes reagimin e saj, dhe deklarata e fundit tregon qartë se këngëtarja është e qetë dhe e gëzuar për lumturinë e prindërve të saj në kapitujt e rinj të jetës së tyre.