Mijëra qytetarë sot ishin të pranishëm në Marshin për Drejtësi, i cili u mbajt për të përkrahur ish-liderët e UÇK-së, teë cilët po mbahen në Hagë.

Dhe teksa po fliste në këtë marsh kryetari i PDK-së, Memli Krasniqi, shumë qytetarë brohoritën dhe duartrokitën kur Krasniqi u tregoi atyre se këtë marsh po e ndiqnin edhe Hashim Thaçi, Kadri Veseli, Jakup Krasniqi dhe Rexhep Selimi.

Protestuesit u elektrizuan edhe më shumë kur kreu i PDK-së u kërkoi atyre një duartrokitje edhe më të fuqishme.

“Po na përcjellin drejtpërdrejt Hashim Thaçi, Kadri Veseli, Rexhep Selimi e bashkëluftëtarët e tyre, andaj ju ftoj që me një duartrokitje që s’e ka dëgjuar asnjëherë Prishtina, t’u tregojmë mbështetjen, t’u tregojmë solidaritetin, t’u tregojmë që jemi me ta gjithmonë”, tha Krasniqi.