Dejona Mihali, koordinatore e komiteteve në VV, ka komentuar paralajmërimin e PDK-së dhe LDK-së për padi ndaj Arbërie Nagavcit, ministre e MASHTI-t.
Ajo ka shtruar një pyetje retorike.
“Por nuk është shumë e qartë se përse nuk e dërguan dhe këtë çështje në Gjykatë Kushtetuese? Aty shumica janë gatitu për të pezulluar çkado që qeveria ndërmerr për qytetarët e që ju pengon opozitës. Dhe po ashtu është e paqartë se pse nuk i bëjnë thirrje publike Prokurorisë Speciale për ta lidhur në 5 të mëngjesit Ministren e Arsimit, se edhe ata po rrinë gati?” – shkroi ajo fillimisht.
Në pjesën e dytë të statusit, Mihali është tallur me kryetarin e PDK-së, Memli Krasniqin.
“Në gjithë këtë zhurmë më lezet pati kryetari i PDK-së, që ja kaloi dhe videos së Lumirit. Tha sot “për herë të parë pas shpalljes së pavarësisë kjo qeveri i ka lënë nxënësit pa libra shkollor” – me sa duket fëmijët nuk i ka në shkolla publike, se përndryshe do ta kishte parë teksa i shoqëronte në shkollë që nuk është aspak ashtu.” – shkroi ai.
