Edhe pse vetë nuk e artikulon kërkesën për qeveri teknike, Ilir Meta do të bashkojë forcat me demokratët e Sali Berishës, për të dal në rrugë shumë shpejtë.
“Pa asnjë diskutim që kemi angazhim maksimal për çdo protestë, për protesta pa ndalim”
Por planet e Presidentit të Partisë së Lirisë nuk tejkalojnë protestat, edhe pse ato lidhen me zgjedhjet e pranverës. Ilir Meta dhe Sali Berisha do të marrin ende kohë për të vendosur nëse do të hyjnë sërish së bashku, si koalicion apo me vete, në zgjedhjet për parlamentin.
“Kjo është një çështje që ka shumë kohë dhe ne do të studiojmë të gjitha opsionet që opozita të hyjë sa më e fuqishme në këto zgjedhje. Së dyti; do të bëjmë çdo përpjekje për të ndërtuar të gjithë mekanizmin e organizimit për përballje me regjimin”.
Demokratët këtë javë vendosën drejtuesit politik për zgjedhjet, por ende duket se nuk janë gati për të dal në terrenin e votave. Ilir Meta nga ana tjetër ka përcjell mesazhin tek të gjithë se askush nuk duhet t’ia vendos në diskutim kandidimin e tij për deputetë në Listat e Tiranës dhe për këtë do të nis takimet.
“Nga sot nis programin tim individual 100 mijë duar, 100 mijë zemra, të takimeve të përditshme, intensive.”
