- Advertisement -
Sulmuesi i Paris Saint-Germain, Lionel Messi është gati të kthehet në Barcelonë.
35-vjeçari nuk e ka rinovuar kontratën aktuale me parisienët, e cila skadon në fund të qershorit.
Barcelona po punon në mënyrë aktive për nënshkrimin e argjentinasit. Klubi tashmë i ka dërguar menaxhmentit të La Ligës një plan ekonomik për regjistrimin e Messit për sezonin e ardhshëm.
Ndërkohë, vetë lojtari, sipas gazetarit Cesar Luis Merlo, është i qetë për të ardhmen e tij. Ai pret që Barcelona të merret me çështjet financiare dhe të jetë në gjendje t’i bëjë një ofertë konkrete për kontratë.
Më herët në media kishte informacione për gatishmërinë e Lionel Messit për të bërë një ulje të konsiderueshme pagash për t’u rikthyer në klubin katalanas.
