Sulmuesi Lionel Messi është rrugës për të rinovuar kontarëtn me Inter Miamin, e cila mund t’i garantojë pjesëmarrjen në Kupën e Botës 2026.
Ka pasur spekulime se Messi mund t’i japë fund qëndrimit në MLS për t’u kthyer te Argjentina, aty ku e nisi karrierën, por duket se realiteti qëndron ndryshe.
Mediumi i njohur “TyC Sports” raporton se Messi ka nisur negociatat me klubin e David Beckham për ta rinovuar kontratën së paku edhe për një vit, meqenëse kontrata aktuale i skadon në vitin 2025.
Messi ka luajtur rol të madh që kur kaloi te Inter Miami, duke iu ndihmuar ta fitojnë “Supporters’ Shield” duke vendosur edhe rekord me 74 pikë të fituara në Eastern Conference.
Pavarësisht kampanjës fantastike, Miami pësoi humbje befasuese në play-off, ku u mposht nga Atlanta United.
Përpos rëndësisë në ekip, Messi vazhdon të jetë kyç edhe te kombëtarja e Argjentinës, ku e ka ndihmuar shtetin e tij të prijë në renditjen për kualifikimet në Kupën e Botës.
Këtë sezon, argjentinasi ka menaxhuar të realizojë 21 gola në 22 paraqitje në ligë si dhe fituar epitetin e legjendës së klubit pavarësisht që iu bashkua vetëm një vit më parë.
