- Advertisement -
Sulmuesi Lionel Messi dhe mesfushori Sergio Busquets nuk ka gjasa të jenë në formacionin fillestar të Inter Miamit për ndeshjen e radhës kundër Cruz Azul në Kupën e Ligës. Me shumë mundësi argjentinasi dhe spanjolli do të hyjnë si zëvendësues. Për këtë në rrjetet sociale flet gazetari Gaston Edoul.
Kujtojmë se Messi dhe Busquets u prezantuan si lojtarë të Inter Miami në fund të javës së kaluar. Ish-lojtarët e Barcelonës tashmë po stërviten me skuadrën e re.
Ndeshja e Kupës së Ligës ndërmjet Inter Miami dhe Cruz Azul do të zhvillohet natën e premte në të shtunë, nëse flasim për orën evropiane.
