- Advertisement -
“70 vjet Kinostudio” ishte eventi kulturor i mbrëmjes së djeshme që mblodhi personalitete të filmit shqiptar dhe dashamirës të tij. Moderatorja e njohur e Tv Klan, Rudina Magjistari, një nga të pranishmit ka realizuar një fotografi ku janë grumbulluar emrat e mëdhenj të skenës, të cilën e ka ndarë në rrjetet sociale.
“Natë e paharruar mes yjesh! E lumtur që realizova këto foto, që gjendem mes tyre e me fat Shqipëria që i ka!”, ka shkruar plot gëzim Rudina.
Në foto gjenden Tinka Kurti, Luiza Xhuvani, Margarita Xhepa, Pirro Milkani, Ilir Butka, Eva Alikaj, Yllka Mujo dhe ministrja e Kulturës, Elva Margariti.
Në event, veç shfaqjes së filmave si “Mësonjëtorja” apo “Koncert në vitin 1936” u interpretuan edhe kolonat më të bukura zanore të tyre.
